أخطاء تربوية 5

ابنك هو فرصتك الثانية

عوض ما فاتك وأحسن الغرس

_______________

الجملة دى خطيرة جدا

إن احنا فاكرين أن ولادنا بنعوض فيهم أحلامنا وأهدافنا اللى فشلنا فيها

الدكتور اللي فشل يدخل فنون جميلة يجيب ابن عشان يدخله فنون جميلة ويحقق حلمه هو مش حلم ابنه !

الأم اللى فى كلية معينة وتدخل ابنها نفس الكلية بدل اللى بيعشقها عشان يحقق حلمها هى !

مجرد فكرة ان ابنى امتداد لحلمى وفرصة ثانية لفشلى دى جريمة تربوية

ابنك مختلف عنك ، حلمه مختلف عنك

ابنك مش موجود عشان يكمل اللى مقدرتش تحققه

ابنك موجود عشان يكمل رسالته اللى ربنا خلقه لها

ابنك له حلم وهدف وقدرات مختلفة عنك

مينفعش نجبر أولادنا على حاجة لا تناسبهم ولا تناسب قدراتهم لمجرد إننا نحقق حلمنا فيهم !!

مش ده دورك كأب ، مش ده دورك كأم

عرف ابنك على طريقه هو مش طريقك وخليه ينطلق فيه

ابنك هو فرصتك فى إنه يكون عمل صالح تدخل به الجنة بتربيتك الصح له

عوض اللى فاتك فى مفاهيم غلط وأفكار غلط وأحسن الغرس كما علمنا الرسول صل الله عليه وسلم

لترى الأثر وإن طال الزمان ..

Blog