أطفالنا وشهر رجب 4

رجعالكم النهاردة بتطبيق عملي قوي ومهم جدا ومن أهم التطبيقات في تربية أولادنا لأنه مش بس هيشمل أنشطة زي ما كنا بنعمل في التطبيقات اللي فاتت لكن هيربطهم بمصدر قوي جدا وهو القرآن الكريم

النهاردة تطبيقنا لسن 7 سنوات فما فوق

هيكون عبارة عن تدبر لآية ” فَلَا تَظْلِمُوا فِيهِنَّ أَنْفُسَكُمْ ﴾ [التوبة: 36]

ايوه يعني هنعمل ايه ؟

بعدما شرحت في التطبيقات اللي فاتت تفسير الآية هنبدأ ناخد خطوة عملية

يعني بفهم معنى لا تظلموا

بأننا منظلمش نفسنا بالمعاصي زي تأخير الصلاة والكذب وهكذا

بأننا منظلمش غيرنا بالقول أو الفعل

وبسأل ازاي ممكن اطبق ده عملي ؟ ب 3 خطوات :

بنعمل نشاط ” قائمة أعمال ظلم النفس” مع أولادنا :بنكتب مع بعض ايه اللي بنظلم نفسنا به ؟

كل واحد بيختار عمل واحد من قائمة أعمال ظلم النفس هيقرر يشتغل عليه و يوقفه بداية من النهاردة

بعمل جدول محاسبة يومي نحاسب فيه نفسنا على كل قول وعمل وبنتابع العمل اللي اخترناه

وهنا أوراق عمل لجداول متنوعة للمتابعة ومحاسبة النفس

بالنسبة للسن الصغير مبنساش إنهم مش مكلفين ولا محاسبين

لكن الأمر من باب التدريب لكن بعمله بأنشطة محببة

زي التلوين هنرسم نجمات بعدد الأيام ونلون بلون معين لما نعمل العمل اللي اخترناه واللي مناسب لسنهم

زي happy face : بنرسم وش مبسوط على كل يوم علمان فيه اللي اخترناه

تربية أولادنا مش سهلة ومحتاجة استعانة بالله ودعاءمستمر بأن ربنا يشرح صدورهم لتلقي كلامنا فاستعيني بالله ولا تعجزي

قوليلنا ايه الصعوبات اللي بتواجهك في التطبيقات العملية مع أولادك ؟