استمتعي بأمومتك

مع بداية حياة طفلك دائما بنسمع جملة ” هو أنتي لسه شوفتي حاجة ؟ “

بنسمع السلبيات أكثر من الإيجابيات

النهاردة جاية اقولك رسالة واحدة بس

هي ” استمتعي “

استمتعي بكل لحظة طفلك فيها في حضنك

استمتعي حتى لما متناميش عشان طفلك ، يكفي إنه بخير

استمتعي لما تلاقيه أول مرة يبتسم لكِ

استمتعي بكل تفصيلة معاه حتى لو كانت متعبة ومرهقة

استمتعي وأنتي بتأكليه عشان صحته تبقى كويسة ويكبر ويبقى مسلم قوي

استمتعي بكل لحظة بتفهميه فيها وهو بيعبر عن احتياجه بالعياط

استمتعي وأنتي بصاله وهو نايم في حضنك

استمتعي وهو بيكبر كل يوم قصاد عينك بصحة وعافية

استمتعي وأنتي بتشوفي فيه قدرة ربنا وحكمته

استمتعي بكل يوم يعدي هو اللي بيعلمك فيه مش أنتي اللي بتعلميه

أنتي أم قوية كل يوم بتعملي إنجازات مع طفلك

استمتعي بأمومتك

كل اللحظات دي هتعدي ومش هترجع تاني استمتعي بها على قد ما تقدري

اصنعي ألبوم ذكرياتك الجميلة مع طفلك واحمدي ربنا على نعمته وفضله عليكي وسجلي احساسك معاه واحتسبي أجر تعبك واستعيني بالله هيهون كل شئ

Blog