الأنماط السلوكية ( حاد المزاج )

ووصلنا لنهاية رحلتنا مع الأنماط السلوكية 🌸

وأخيرًا .. ختامها مع الطفل حاد المزاج 😤

⁦1⃣⁩⁦ ردود أفعاله قوية ، لما بيفرح تلاقي فرحه مبالغ فيه ولما بيتعصب تلاقي غضبه مبالغ فيه

⁦2⃣⁩ مش سهل يتأقلم على أي وضع جديد بسهولة حتى في الأمور البسيطة زي إنه يستعد مثلا للخروج

⁦3⃣⁩ تحسيه واخد دور القائد وعاوز يسيطر

⁦4⃣⁩ صوته عالي وبياخد ردود فعل قوية لما حد بيديه أوامر.

🔷 ازاي نتعامل مع الشخصية دي ؟

⁦👈⃣⁩ مهم جدا نعلمه المشاعر وازاي يعبر عنها بطريقة متزنة

⁦
👈اشرحي له اللي هيعمله في يومه واديله فرصة يتعود على أي تغيير

⁦
👈علميه طرق يفرغ لها طاقته ويتعامل مع غضبه من غير ما يأذي نفسه أو يأذي حد ( وابعدي عن فكرة ضرب شئ لما يغضب )
وعلميه يغير وضعيته ويتوضأ ويستعيذ من الشيطان كما علمنا الرسول صل الله عليه وسلم

⁦
👈اتعاملي معاه بهدوء، توترك أو عصبيتك مش هتحل الوضع فتجنبي العنف معاه بقدر المستطاع واديله وقت يهدى مشاعره اللي بيظهرها في الغالب مش هي الحقيقية ، بيكون مبالغ فيها ووراها احتياج مش مُعلن

👈لو لقتيه بيسأل كتير اهتمي بأسئلته وردي عليه لأنه ممكن يكون بيعمل كده عشان يطمن

⁦
👈ولإن طبيعة الحياة التغيير ، علميه يكون مرن وعرضيه لمواقف جديدة من وقت للتاني وممكن تشتغلي على ده قبلها بإنك تسأليه لو حصل تغيير في كذا هتعمل ايه وازاي تقدر تتعود على التغيير
واديله وقته وتقبلي طريقته في التعامل مع أي موقف جديد
وعلميه أسماء الله الحسنى وخاصة اسم الله المدبر

⁦👈⃣⁩قللي الأوامر معاه بقدر المستطاع ، واستخدمي طرق مختلفة زي ” الاختيار ، التوجيه ، التنبيه ، المسابقات ، ….. ” اللي هنشرحها بأمر الله في سلسلة #حلول_تربوية

⁦⁦
👈فهميه سبب منعك لشئ معين ، لكن اوعي تضيع هيبتك
معاه
الهيبة أساس التربية

وبكده بفضل الله نكون خلصنا الأنماط السلوكية للأطفال 🙂
⛔مهم جدا جدا نكون على علم بخصائص مرحلته العمرية + إن علاقتنا معاه تكون صحية
عشان نتأكد إن ده نمط مش عرض لمشكلة في التعامل

ايه هو نمط ابنك وايه المشاكل اللي تقابلك معاه ؟
🌸

#أمومة_واعية
#أكاديمية_ماما