حلول تربوية – أسلوب التنبيه والتوجيه
أسلوب التنبيه والتوجيه
الأسلوب ده مفيد
للأطفال اللي بتاخد حاجة من المحل وتمشي الأطفال اللي بتاخد شوكولاتة ولا بسكويت من سوبرماركت وتأكله لما طفل ياخد من أخوه حاجة من غير استئذانلما يقعد مكان حد لسه قايم وهيرجع تاني لمكانه “آداب المجلس “ لما ياخد حاجة مش بتاعته أو يتعدى على حقوق غيره
أسلوب التنبيه والتوجيه
يعني ايه ؟
يعني بنبه الطفل لما يعمل حاجة غلط بكل هدوء مناسب من عمر كام ؟
لكل الأعمار وكل سن يخاطب على قدر عقله بس أنا طفلي صغير ومش فاهم وبعدين هو مش مكلف
تعالوا نشوف كده حديث صغير لكنه عظيم 
عن أبي هريرة رضي الله عنه قال: أخذ الحسن بن علي رضي الله عنهما تمرة من تمر الصدقة، فجعلها في فيه، فقال النبي صلى الله عليه وسلم «كخ، كخ» ليطرحها، ثم قال: «أما شعرت أنا لا نأكل الصدقة» 
الرسول صل الله عليه وسلم علم الطفل إنه ميتعداش على حقوق غيره الرسول صل الله عليه وسلم علمه الحرام حتى وهو صغير ومش فاهم حتى وهو مش مكلف عشان يبقى تدريب له ويألفهالرسول صل الله عليه وسلم كان بيرفق به ، يعني لا زعق ولا ضرب فكان الطفل أكثر قبول الرسول صل الله عليه وسلم خاطبه على قدر عقله “كخ كخ ” تنبيه له وخاطبه أعلى من سنه ” لا نأكل مال الصدقة ” توجيه وتعليم وتأديب ازاي استخدم أسلوب التنبيه والتوجيه ؟
لازم تكون العلاقة بين الأم وطفلها كويسة 
يعني مينفعش طفل مبينفذش الأوامر واجي انبهه من هنا للسنة الجاية مش هيسمعني الموضوع محتاج تدريب 
مينفعش طفل متدلع واستخدم معاه الأسلوب ده واتفاجأ إنه مجابش نتيجة والله أنتوا اللي هتتفاجأوا من اللي هيعمله 
التنبيه بكلام بسيط يفهمه الطفل
الرفق في التعامل
لو قعدنا مع نفسنا بصدق هنلاقي إن عصبيتنا لها أسباب تانية خالص وآخرها هو سلوك الطفل وده بيظهر جدا في الإستشارات
ده مش معناه إننا منتعصبش احنا بشر بس مش كل حاجة هنستهلك فيها أعصابنا وتربية أطفالنا محتاجة صبر ثم صبر ثم صبر ثم صبر معروفة طبعا 
بذكر المطلوب منه بكل وضوح وبحزم
مينفعش الطلب بضعف أو ذل أو تحايل 
الهيبة أساس التربية 
بوضح السبب بإختصار هل ممكن الطفل ميستجابش بعد كل ده؟
اه عادي وعادي جدا دي مش عصا سحرية ممكن جدا متعلق بحاجة عجبته ومش قابل ساعتها أى حاجة تانية ووقتها هنستخدم أساليب تانية زي الإلهاء ،الحزم،الإطفاء غير إنك هتحتاجي تقرأي خصائص المرحلة اللي بيمر بها عشان تعرفي تصرفات ابنك الطبيعية في كل عمر وطبعا لازم العلاقة بين الأم وطفلها تكون صحية في الأساس
مهم جدا نعلم الطفل حدوده وإنه ميتعداش على حقوق غيره تحت أي مبرر “صغير ،مش فاهم ، مش مكلف ” ده بيساعد جدا إننا منوصلش فيما بعد لمشاكل السرقة وتملك شئ مش من حقه وتعدي على حقوق الغير
كل مرحلة هي بمثابة مرحلة تدريب للطفل وغرس قيم ومبادئ بمواقف يومية فنستثمرها صح
مقالات قد تهمك ☺
طفل السنة اعلمه ايه ( التربية العفيفة )
طفل السنة اعلمه ايه ( المهارات الحركية )