طفل السنة اعلمه ايه ( التربية العفيفة )

ن سنة لسنتين.. يعرف ايه واعلمه ايه ؟

#الجزء_السابع_والأخير

#التربية_العفيفة

هتكلم هنا عن نقطة #الهوية والباقي موضح في الصور

ايه هي الهوية اللي بتكلم عنها ؟

هي إن الطفل يفهم الفرق بين الولد والبنت

وده هيفهمه ويستوعبه من الشكل الخارجي ومن الحاجات اللي بنعلمها من سن سنتين ل ٣ سنوات

امال احنا في السن ده ازاي هنرسخ الهوية ؟

بالتعويد إني اعود الطفل على السلوكيات المناسبة لنوعه

ترسيخ الهوية عند الطفل في السن الصغير مهم وبسلوكيات بسيطة خالص بس قبل ما اتكلم عن السلوكيات دي عاوزة اتكلم عن حالات واقعية شوفتها وعايشتها

وهي الأمهات اللي ربنا من عليها بالبنات وهي كان نفسها تخلف ولد فتبدأ تحول البنت دي لولد وتتعامل معاها معاملة الولد لغاية لما البنت بتبدأ تعامل نفسها كده فعلا

أو الأمهات اللي نفسها تخلف بنت وربنا من عليها بولد فتبدأ تحول الولد ده لبنت وتتعامل معاه معاملة البنت

ودي كارثة الحقيقة

ربنا من علينا نعمة وهو أعلم بالأنسب لنا نرضى بها ونقبل أولادنا زي ما هما كده من غير ما نغيرهم ونحولهم للي احنا عاوزينه ده عكس الفطرة اللي ربنا خلقنا بها وغير إن ده مخالفة لأمر الله و تبعات ده في المستقبل سيئة جدا

طيب ايه اللي محتاجين نعرفه لترسيخ هوية الطفل ؟

ببساطة كل السلوكيات اللي تفرق بين البنت والولد واللي الطفل بيعملها في السن ده بدافع التقليد

مبلبسش الولد توك في شعره

مبلبسش الولد اكسسورات

دلع الولد ميكنش اسم بناتي

مبلبسش الولد طرحة

مبحطش مانكيير للولد

مبلبسش الولد لبس بناتي

مبلبسش الولد حلق

مبلبسهوش دهب

مبقصش شعر البنت زي الولد

بحط توك في شعر البنت

بلبس البنت لبس بناتي

بدلع البنت بإسم بناتي

بلبس البنت حلق

كل ما بيكبر الطفل كل ما هنحط سلوكيات أكثر لترسيخ هويته لأن الطفل بيبدأ يفهم ويستوعب الفرق بين البنت والولد وفي الوقت ده هيكون ترسيخ الهوية أساس لازم نعلمه للطفل مش مجرد اعوده فـ لازم نكون واعيين جدا للنقطة دي لأنها أساس في التربية العفيفة