طفل السنة اعلمه ايه ( التربية العملية )
ن سنة لسنتين … يعرف ايه واعلمه ايه ؟
الطفل بيبدأ يعتمد على نفسه شوية بشوية من سن سنة بيبدأ يعتمد على خفيف يشرب لوحده يساعد في لبس وخلع هدومه يأكل لوحده وحاجات بسيطة مناسبة لسنه وكل ما يكبر يستقل أكثر
رعاية الذات
يقدر يشرب من الكوباية بيد واحدة لوحده هيقلبها كلها في الأول وبعدين يقلب شوية طبعا لغاية لما يتمكن من المسك على سنة ونص سنتين يقدر يلبس طاقية ويقلعها لوحده لكن لو لها وش وظهر زي الكاب مش هيعرف يعمل ده لوحده بعلمه طريقة خلع الجزمة خطوة خطوة ويكون الرباط مفكوك ويقدر يلبس الجزمة والشبشب لوحده بأنه يدخل رجله فيهمبعلمه ازاي يقفل ويفتح السوستة مجرد تحريكا لكن البداية أنتي بتعمليها بيساعد في لبس هدومه بإنه يمد ايديه ورجليه بيحب يعتمد على نفسه في الأكل ويجرب يأكل بالمعلقة وبيقلب طبعا 
بس يكفينا شرف التجربة 
من بداية السنة بيبقى الأسهل يتعلم مسك الشوكة وبعدها يبدأ يتعلم مسك المعلقة لكن يوقع الأكل كله وبالتدريج يبدأ يمسكها بطريقة صح وياكل بها ويقلب شوية صغيرة لغاية لما يتمكن من مسك المعلقة بطريقة صح
بيتعلم يغسل ايده وبيحتاج مساعدتك في تنشفيهم بيقلع هدومه المفكوكة بيتعلم خلع الشراب خطوة بخطوة بيتعلم تقشير البيض والسفندي والموز وتكوني ادامه طبعا———-
العناية بالبيئة بيحب أوي يقلدك وأنتي بتعملي حاجة في البيتهتلاقيه جايب فوطة وبيمسح زيك
بيحاول يمسك المكنسة ويكنس
بيشد الملاية ظنا منه إنه بيعدلها زيك
مش مهم النتيجة افتكري إنه يكفينا شرف المحاولة 
لو طلبتي منه ياخد الهدوم ويحطها في سلة الغسيل هياخدها ويحطها لو عارف إن دي اسمها هدوم ودي اسمها سلة الغسيل وفاهم فعل ( يحط ) لكن طبعا توقعي إنك ممكن تلاقي حتى الهدوم النظيفة في الغسيل المهم إنها هدوم الباقي شكليات 
بيحب يقلدك وأنتي بتكنسي ممكن ياخد الفرشاة والجروف ويقلد لكن ابعديه عن التراب ممكن تجربي ورق متقطع ممكن تجربي كور من الخيط ممكن تسبيه يكنس بهم من غير ما تحطي حاجة يلمهاوكمان بيحبوا اللعب باللمامة وممكن يفكر يمسك معاكي المكنسة الكهربا ويحاول يكنس زيك
ممكن يساعدك في تلميع الأثاث ويمسح بالفوطة وده بعد ما تكوني أنتي عملتيهفي السن ده أمنيه كويس ، ابعديه عن أي حاجة مؤذية أو متعبة له ، الأدوات اللي يستخدمها تكون نظيفة جدا ، يكون ادام عينك طول الوقت متسبهوش يعمل حاجة لوحده
———-
عناية شخصية بيتعلم يمسح ايده ووشه بالتقليد على سنة ونص يبدأ يتعلم غسل الأسنان بمساعدتك ثم لوحدهمن سنة ونص أو ٨ أشهر يقدر يتعلم الجلوس على البوتي لمدة ٥ دقائق ولو عنده علامات الاستعداد تقدري تعلميه أو تأهليه لغاية لما تبدأي تدريب على السنتين يقدر يقول كلمة واحدة لو عمل أو عاوز يعمل حمام أو يشاور أو يعمل حركات للتعبير عن حاجته———-
مهارات حياتية أنشطة النقل الجاف لكن في وجودكيعني حبوب آمنة للأكل زي الكورن فليكس مثلا بسكويت بيتي متكسر وينقلها بإيده من طبق لطبق عشان لو حب ياكلها بعد كده تكون أمان
ممكن بعد التمكن بالنقل باليد ، يجرب ينقل بالمغرفة الكبيرة وبعد كده المعلقة كتدريب على مسك المعلقة
أنشطة الصب الجاف وفي وجودك طبعاحبوب آمنة للأكل ويصبها من كوباية لكوباية
يصب من دورق المعيار البلاستيك لكوباية
ابعدي عن الزجاج وعن أي حاجة ممكن تأذيه
افرشي تحته مشمع كبير نظيف أو قماشة عشان تعرفي تلمي وراه
أنشطة الكبش وطبعا في وجودكيكبش بإيده وينقل لطبق تاني وده غير النقل اللي بيكون بالأصابع
التقطيع الآمن عن طريق سكين بلاستيك وأكل طري زي الموز مثلا من سنة ونص أو على حسب استعداد الطفل————-
أعمال منزلية مناسبة لسنهم بيحط الهدوم في سلة الغسيل ( بالطلب ) بس هتلاقي الهدوم كلها في الغسيل ممكن يساعد في الكنس بالكيفية اللي اتكلمنا عنها فوق لكن كل ما يكبر يقدر يعمل ده عادي بيساعد في الأعمال المنزلية الخفيفةمهم جدا تأمني الطفل وتكون عينك عليه وهو بيعمل أي حاجة ده لسلامته وربنا يحفظهم جميعا
مقالات قد تهمك ☺
طفل السنة اعلمه ايه ( التربية العفيفة )
يناير 13, 2025
طفل السنة اعلمه ايه ( المهارات الحركية )
يناير 13, 2025
طفل السنة اعلمه ايه ( التربية العقلية )
يناير 13, 2025