طفل السنة ..يعرف ايه واعلمه ايه ؟؟ التربية الإيمانية

ن سنة لسنتين يعرف ايه واعلمه ايه ؟

السن ده سن التقليد هو بيقلد كل حاجة حرفيا كل حاجة بيشوفوها ويسمعوها من اللي حواليهم

فاللي عاوزة طفلك يكون عليه هيأي البيئة حواليه لده لأنه بيخزن كل حاجة

————-

اعلم ابني ايه في عمر من سنة لسنتين ؟

أول لما الطفل يبدأ يتكلم بعلمه كلمة ( الله ) وبعدين بكرر عليه ( الله ربي )

كل ده بالتلقين والتكرار والسماع كلمة كلمة لأن في السن ده بيقدر يقول كلمة واحدة وعلى السنتين يقدر يقول جملة من كلمتين

عوديه على سماع القرآن على مدار اليوم

رددي الأذكار بصوت واضح ( سبحان الله والحمد لله ولا إله إلا الله والله أكبر )

سبحي على ايده بعد الصلاة

رددي أذكار الصباح والمساء بصوت مسموع عليه

لما يكون تعبان حطي ايدك على مكان الوجع وقولي : ” بسم الله (ثلاثاً) وقولي : (سبع مرات) : أعوذ بعزة الله وقدرته من شر ما أجد وأحاذر

عوديه على روتين أذكار يومي ثابت زي أذكار الطعام ، اللبس وغيرها (أذكار الأحوال ) بإنك تقوليه بصوت مسموع

عوديه على سماع كلمة الحمد لله منك ومن أبيه

رددي الآذان بصوت مسموع

اقرأي وردك من القرآن وقت الرضاعة بصوت مسموع عليه

لو من أهدافك حفظ القرآن شغلي المصحف المعلم على سورة صغيرة خلال أسبوع وتتعاد لمدة ربع ساعة يوميا حتى وهما بيلعبوا بيسمعوا وفي أطفال أول ما بدأت تتكلم نطقت اللي كانت بتسمعه من المصحف المعلم ، في السن ده هما بيخزنوا كل اللي بيسمعوه

خلي القرآن خطوة من روتين النوم

الدعاء أمامه بصوت مسموع مع رفع اليد