فن استقبال أولادنا

تعالوا نشوف الرسول صل الله عليه وسلم كان ازاى بيستقبل بنته

روى أبو داود عن السيدة عائشة – رضي الله عنها – قالت : مارأيت أحدا كان أشبه سمتا وهديا ودلا ، برسول الله صل الله عليه وسلم من فاطمة كرم الله وجهها : كانت إذا دخلت عليه قام إليها ، فأخذ بيدها وقبلها وأجلسها في مجلسه ، وكان إذا دخل عليها قامت إليه ، فأخذت بيده فقبلته وأجلسته في مجلسها “

رقي الاستقبال

1- القيام (قام إليها ) : كتير من الآباء ممكن يستنكر ده ويقول اقوم لابني ؟ ويأولها بأشكال أخرى ولكن يجي الموقف ده يثبت لنا ازاي الرسول صل الله عليه وسلم كان بيظهر المحبة بأفعال تبدوبسيطة جدا .. ايه احساس البنت لما أبوهايقف لها ويظهر سعادته برؤيتها ؟؟

2-التسليم ( فأخذ بيدها ) : يسلم عليها معنى القرب والحب

3- التقبيل ( وقبلها ) : قبلة الجبين أو الرأس اللي بتدل على الحنان والرحمة قمة الحب

4- الجلوس في المجلس(وأجلسها في مجلسه ) : إظهار السعادة بقربها يعني مش مبسوط إني بشوفك بس لأ ، كمان بفرح بقربك

قمة الحب والرحمة والمودة في طريقة الاستقبال .. ياتري كان ايه احساسها ؟

ومش بس كده السيدة فاطمة كرم الله وجهها كمان اتعلمت من الرقي ده فباددلته نفس المعاملة

واللي المفروض نسأله لنفسنا

انهه طريقة بنستخدمها عشان نستقبل أولادنا ؟

وايه الطريقة اللي يحبوا نستقبلهم بها ؟ ايه احساسهم ؟

وهل بنجدد نيتنا في كل مرة إننا بنتبع الرسول صل الله عليه وسلم

فنكسب محبة أولادنا ويكون لنا أجر الاتباع