طفل السنة اعلمه ايه ( المهارات اللغوية )
من سنة لسنتين .. يعرف ايه واعلمه ايه ؟
بعلمه على الأقل من ٣ ل ٥ أجزاء الجسم من غير ضمائر يعني بق مناخير يد وهكذا ، بعلمه اسمه وأسماء أفراد الأسرة والعائلة ، البيئة المحيطة ،أجهزة المنزل ، أسماء بعض الخضار والفاكهة والأكلات ، أسماء الحيوانات المألوفة وأصواتهم ، أسماء بعض اللعب بتاعتهبكروت وصور ومجسمات حقيقية ومجسمات كرتونية
ومن شروط الكروت تكون واضحة وصور حقيقية مش كرتون
والمجسمات الحقيقية أفضل في المرحلة دي
مهارة تنفيذ الأوامر تاني 
ايوه لأنها بتدل على فهمه للكلامفبينفذ أمر بسيط ويفهم هات وخد
فاكرين اللي قولناه مع سن السنتين بالضبط هنعمله هنا راديو طول اليوم معاه اتكلموا كتيييييير احكوا كل حاجة بتعملوها بالتفصيل وعرفوهم اسم كل حاجة احنا دلوقتي هنعمل فطار هنعمل بيض وفلافل ووو وبعد كده هنعمل ايههنغسل ايدينا هنفتح الحنفية ودي ايه دي صابونة يلا نغسل ايدينا بالصابونة يلا نقفل الحنفية
هيلا هنلبس فين ايدك اليمين بسم الله ونقول دعاء اللبس فين ايدك الشمال وهكذا
بالتفصييييييل
يفهم لما تقوليله لايفهم استخدامات الأشياء عارف إن المعلقة بناكل بها ، الشبشب بنلبسه وهكذاعنده حوالي ٥٠٠ كلمة في اللغة الاستقبالية وهي اللي مخزنهم لأن لما يبدأ يقولهم ويعبر بالكلام كده اللغة التعبيرية فمهم جدا يخزن كم من الكلمات عشان لما يتكلم يلاقي مخزون لغوي يتكلم بهيقدر من سنة. لسنة ونص يقول من ٣ ل ٢٠ كلمة منهم كلمات الليونة بح وباي واوبح وهمومن سنة نص لسنتين يقول من ٥٠-١٠٠ كلمة
ركزي على الأفعال هات خد حط شيل البس اقلع اقعد اقف وهكذا علميه المعكوسات لو لمس حاجة سخنة ( دافية زيادة شوية مش مغلية ) ( متخلهوش يلمسها طبعا ) ده سخن ده ساقع دي كوباية فاضية دي كوباية مليانةمن سنة ونص يقدر يفهم المعكوسات البسيطة خاصة سخن وساقع
ايه ده ؟ ايه ده ؟ ايه ده ؟ سؤال المرحلة متعديش هو هيسأل على أي حاجة وكل حاجة وده مهم جدا لأنه بيعمل مخزون لغوي كبير عشان على سنتين تبدأ مرحلة الانفجار اللغوي اللي فيها بينطلق الطفل ويعبر عن كل اللي خزنه في الفترة دي في أطفال بتحب تقرأ لهم القصص في السن ده ،وفي أطفال مبيهتموش خالص وفي أطفال بيجذبهم الصور مش حكايتك ، وفي أطفال بيجذبهم تقطيع القصة نفسها 
فالموضوع هنا مختلف بالنسبة لكل طفل
فخدي الأمور ببساطة لو منفعش معاهم القصص أجليها شوية
من سنة يقدر يقول كلمة ومن سنتين يقدر يكون جملة من كلمتين وكلامه في الأغلب مش هيكون واضح وممكن الأم بس اللي تفهمه ، نسبة وضوح كلامه في السن ده ٢٥٪ الباقي لوغاريتمات عادي بنقرأ قرآن ونسمعه قرآن بصوت مسموع وبنقرأ الأذكار وأذكار الأحوال على مدار اليوموأذكار قبل النوم والرقية وكل الحاجات اللي ذكرناها في التربية الإيمانية
القصص القصص القصصقصص مناسبة لسنهم نقرأها معاهم ونحكي ولو في صور بنسأل ايه ده ؟ ونجاوب على طول عشان المخزون اللغوي اللي اتكلمنا عنه
والكتب المناسبة لسنهم كتب القماش أو الهاردكاڤر والقماش أفضل لأن سهل غسيلها حتى لو حطها في بقه هتبقى متطمنة أو لو عدينا مرحلة الحط في البق فكتب الهاردكاڤر بتستحمل معاهم
وفي قصص أنتي تقرأيها لهم تبقى مناسبة لسنهم قصص بسيطة مكونة من جملة في الصفحة وقصيرة ومعمولة بشكل مناسب لهم وهما بيحبوا يتفرجوا على الصور
يعرف يميز أصوات الحيوانات وده باللعب وتقليد الأصوات وسماعهابسمعه صوت الحيوان وبقول اسم الحيوان وارجع اسمعه تاني وممكن اقلد صوته نو نو صوت ايه ده ؟ قطة
وهكذا وبنبدأ بالأصوات المألوفة قطة كلب حصان حمار ديك بقرة
ابدأي بحيوان واحد يعرفه وخدي اللي بعده
في السن ده في أصوات بالنسبة لهم بتخوفهم زي الكلب مثلا فمش لازم نعمله صوته دلوقتي وخلاص مع الوقت هيسمعه ومش هيخاف
الشاشات ممنوعة في السن ده لغاية سنتين لأنها بتأثر على الانتباه والتركيز وتأخر اللغة طول ما أنتي ماشية في البيت اسأليه ايه ده ؟ ايه ده ؟ دي علبة دي تفاحة دي موزة وهكذا اسأليه فين … ؟ فين الكرسي ويشاور أو يقول لو بيتكلم ، فين السجادة فين الساعة فين الموزة كده أنتي بتتأكدي من اللي عارفهاسأليه مين .. ؟ مثلا مين اللي عند الباب .. ده بابا الاختلاط كل ما طفلك اختلط بأطفال أكثر كل ما مهاراته اتحسنت أكثر وطبعا نراعي البيئة نفسها عشان ميكتسبس ألفاظ مش عاوزينه يكتسبهامهم جدا الطفل يتعلم كلمات جديدة كل يوم لأن ده بيعلي المخزون اللغوي عنده فلما يتكلم يقدر يطلع كل اللي خزنهفعلميه كل يوم كلمة جديدة ومش بس كده علميه معاها أفعال واستخدام وكيفية
يعني دي ايه ؟ معلقة ، بناكل بها
دي طاقية ، بنلبسها ، فوق رأسنا
وهكذا متقتصريش على كلمة واحدة وتفتكري إنه مش هيستوعب لأنه بيخزن كل اللي بيسمعه منك وبعدها يفاجأك
مقالات قد تهمك ☺
طفل السنة اعلمه ايه ( التربية العفيفة )
يناير 13, 2025
طفل السنة اعلمه ايه ( المهارات الحركية )
يناير 13, 2025
طفل السنة اعلمه ايه ( التربية العقلية )
يناير 13, 2025