الطفل الحركي والحظر
الوضع الحالي عامل ضغط كبير على الأمهات وللأسف عامل ضغط على الأطفال وأكثر أطفال بتعاني من الوضع ده هي الأطفال الحركية لأنهم محتاجين يفرغوا طاقتهم بالحركة ومع عدم خروجهم بقى الوضع أصعب على الأمهات وعشان كده جمعتلكم أنشطة هتفيدهم وتنمي مهاراتهم وممكن يعملوها لوحدهم كمان 
بس قبل ما اقول الأنشطة دي أنا حابة انبه إن كلامي عن الطفل الحركي مش فرط الحركة لأن فرط الحركة حالة مرضية لازم متابعة مع متخصص
نبدأ مع بعض بأول الأنشطة
BrainGemوهي عبارة عن تنشيط المخ عن طريق الحركات ودي بتعتمد على تحريك الجزء الأيمن من الجسم ( اللي بينشط الجانب الأيسر في المخ ) وتحريك الجزء الأيسر في الجسم ( اللي بينشط الجانب الأيمن في المخ ) زي مثلا لما طفل يكتب بإيده اليمين والشمال في نفس الوقت ده بينشط مراكز في المخ النصف الأيمن والأيسر وبينمي مهاراته وبيفيده كمان في التعلم ، فيبقى الطفل بيستمتع ويفرغ طاقته وفي نفس الوقت بيستفاد
دي فيديوهات توضح الفكرة ببساطة للسن الكبير وفيها منها لسن أصغر فمناسبة من عمر ٣ سنوات ، كل المطلوب إن الطفل بيقلد الحركات دي وافتكر أول مرة كنا بنتدرب فيها على البرين جيم قعدنا نضحك جدا 
فهتبقى ممتعة للأطفال
البحث عن الكنزلعبة لطيفة كنا بنلعبها واحنا صغيرين نخبي فيها حاجات في كذا مكان والطفل يدور عليها وكانوا بيخبوها في أماكن صعبة ويتقطع نفسنا عبال ما نعرف نجيبها 
تدريبات الجيش ورغم إن دي بنستخدمها لتعديل السلوك ، إلا أننا هنا هنعملها كلعب حر ، بنجيب كراسي ومخدات والذي منه وبنحط الكراسي جنب بعض أو بشكل U ومخدات بحيث ينزل تحت كرسين وينط من فوق المخدة ويطلع من فوق كرسي ويمشي على خشبة وينزل تحت الكرسي وممكن كمان نحط كور في الأول ياخد كورة ويلف اللفة دي ويحط الكورة في السلة ويرجع يكمل لغاية لما يخلص الكور كلها فنبقى بنمي كمان التركيز مع المهارات الحركية مع التوازن طبعا.
وبنحط الكراسي جنب بعض أو بشكل U ومخدات بحيث ينزل تحت كرسين وينط من فوق المخدة ويطلع من فوق كرسي ويمشي على خشبة وينزل تحت الكرسي وممكن كمان نحط كور في الأول ياخد كورة ويلف اللفة دي ويحط الكورة في السلة ويرجع يكمل لغاية لما يخلص الكور كلها فنبقى بنمي كمان التركيز مع المهارات الحركية مع التوازن طبعا.تقليد الحركاتسواء حركات بيشوفها زي التصفيق ، النط ، يرفع ايده ، يقعد ،يقف وهو يقلدها وده بيزود التركيز البصري
أو يسمع نط ، ارفع ايدك فوق ، اقعد ،اقعد اقف وده بينمي التركيز السمعي
اقف وده بينمي التركيز السمعيلعبة السلةوممكن نعملها بسبت أو علبة واسعة ونعلقها على الباب وكورة صغيرة وده طبعا بينمي مهارات كتير منها المهارات الحركية والتركيز والتآزر البصري العضلي والإدراك
الكراسي الموسيقيةلو عندنا كذا طفل في البيت بحط كراسي في شكل دائرة بعدد أقل منهم وبصفق لهم أو بشغل حاجة بتدي صوت واوقفها فجأة وعليهم يقعدوا بسرعة والخسران يطلع ودي بتنمي التركيز السمعي جدا
ألعاب التمثيلوالمسرح والعرائس بيساعده على تنمية مهارات الكلام والتأليف والإبداع وتنمية الخيال وبترفع الثقة بالنفس
مهام البيتالمساعدة في أعمال البيت لا تقل أهمية عن الألعاب لأن فيها حركة غير إنها بتعلمه التعاون والمسئولية والإستقلالية وبتحسسه بقيمة الأسرة
نط الحبلبينمي التركيز والمهارات الحركية والتآزر والإدراك
البالوناتونتفق معاهم إنهم يحافظوا على البالونة في الهوا أكثر وقت ممكن وده بيزود التركيز البصري
فقاعات الصابونمن الألعاب المفضلة للأطفال ومتاحة في أي بيت شوية صابون وماء وممكن سلكة نعملها بشكل دائرة ولها يد ويجري ورا الفقاعات بتزود التركيز والمهارات الحركية الصغرى ( الأصابع)
الهيلاهوببتاع زمااااان اللي عبارة عن طوق وبيحطوه في وسطهم بيتحركوا بحركة دائرية والمطلوب منهم يحافظوا على الطوق في وسطهم أطول فترة ممكن
اللي عبارة عن طوق وبيحطوه في وسطهم بيتحركوا بحركة دائرية والمطلوب منهم يحافظوا على الطوق في وسطهم أطول فترة ممكنالقفز على الأرقام والحروف والألوانوده نشاط لطيف لو عاوزة تعلمي طفلك ويستمتع في نفس الوقت ، اعملي كروت عليها حروف أو أرقام أو ألوان مختلفة وحطيها على الأرض وقوليله حرف معين أو لون وينط عليه أو يجيبهولك
ألعاب الماءالأنشطة المحببة جدا للأطفال ، أينعم بيغرقوا نفسهم والأرض والدنيا بس يلا كله يهون
بس يلا كله يهونعبارة عن علبة أو حاجة عميقة فيها ماء ونرمي فيها شوية حاجات وعلبة تانية في مكان بعيد وبيجري ينقل من هنا لهنا
لو طفل صغير نراعي الأشياء دي تكون كبيرة وينقلها بإيده واحدة واحدة وممكن كمان ندمج التعليم مع اللعب فلو بعلمه الحيوانات بحط مجسمات حيوانات في الماء و بقوله طلع الفيل وهكذا مع باقي الحيوانات وممكن نعمل نفس الحكاية مع أي مجسمات مكعبات ملونة لو بعلم الألوان ، أرقام وحروف مجسمة وابدعوا
ولو طفل كبير ممكن اخليه ينقل بالماسك أو المعلقة وتكون حاجات صغيرة زي كور صغيرة وينقلها واحدة واحدة
وغيرها من الأنشطة الكتير اللي ممكن نعملها للطفل الحركي وننمي مهاراته ويفرغ طاقته ويستمتع بوقته ومننساش طبعا إننا مش طول الوقت بنوفر أنشطة وبنسيبهم يزهقوا عادي ويخترعوا هما أنشطة ويحلوا مشكلتهم بنفسهم وده صحي جدا في بناء شخصيتهم وفي أوقات بسيبهم يتأقلموا على الوضع عشان اخليهم يتأقلموا على كل الظروف ومتنسيش بعد ما يخلصوا لعب هما اللي ينظفوا ويلموا اللي عملوه
لو استفدتي من الأنشطة وحابة نزود أنشطة لسن معين اكتبيلنا كومنت بالسن
وعرفينا ايه النشاط اللي هتبدأيه مع طفلك ؟ 
مقالات قد تهمك ☺
طفل السنة اعلمه ايه ( التربية العفيفة )
يناير 13, 2025
طفل السنة اعلمه ايه ( المهارات الحركية )
يناير 13, 2025
طفل السنة اعلمه ايه ( التربية العقلية )
يناير 13, 2025