التربية العفيفة
أكثرنا يمكن شاف فيديو التحرش ويمكن البعض شاف التعليقات فقط عليه
حقيقي الفيديو سئ لأبعد درجة محدش يشوفه واحساسي كأي أم قلبي اتقبض جدا ، خوف قلق رعب وكل اللي بفكر فيه ( ازاي احمي بنتي ) ؟
ده مش أول فيديو ومش هيكون آخر فيديو لو معرفناش نوعي أولادنا
حاسة بكم وبالحيرة اللي أنتوا فيها نمنع أولادنا من النزول ، طيب المدرسة طيب الحضانة طيب لو سبته لظرف طارئ
خوف قلق وتوتر بيسيطر على قلب كل أم الله يعينا جميعا
مبدأيا عاوزة أكد مرة واثنيين وثلاثة ومليون على التوكل التوكل التوكلاحنا مش بنربي أولادنا ولا بنحميهم ولا بنعمل حاجة بشطارتنا كله توفيق من ربنا وربنا اللي بيربيهم وبيحفظهم
أول وأهم خطوة هي الدعااااااااء المستمر والإيمان التام إن الله هو الحافظ
الخطوة التانية إننا ناخد بالأسباب لازم لازم يبقى في تربية جنسية لأولادنا والحمد لله عندنا سورة النور سورة كاملة مليانة آداب في الجانب دهخلونا نتكلم بإختصار لأن الموضوع يطول شرحه
المرحلة الأولى من الولادة لسن سنتينمبدأيا المرحلة دي بيبقى تطبيقنا وتصرفاتنا جزء من التربية الجنسية لأولادنا
من أول الطفل ما يبدأ يدرك ويشوف وينتبه بنبدأ نغير له لوحدنا مش ادام حد ولا حتى ادام أخوه الصغير ولو في حد في البيت قافلين الباب وبنغيرقافلين الباب وبحميهالعلاقة بين الزوجين في أوضة منفصلةلما بنغير هدومنا بنقفل الباب علينا أو في ساتر أو بندي ظهرنا لبعض محدش بيغيرله إلا لو في ظرف طارئمبسيبهوش لوحده مع أي حد غريب ، أو أي حد قريب غير موثوق فيه وآسفة على كلامي ده لكن في حالات تحرش بتيجي من الأقارب
من سنتين ل ٧ سنوات – مبينزلش لوحده ولو حتى للبقالة ولو نزل عيني عليه من البالكونة – بعلمه دوائر العلاقات وتعامل كل دائرة – بعلمه حدود التعامل مع الجنس الآخر بكل بساطة – بيقفل أوضته وهو بيغير وميقلعش هدومه ادام حد لا في البيت ولا برة البيت أوضتي مقفولة وقت تغيير هدومي – متركبش مع حد إلا بموافقة ماما وفي وجود ماما – متطلعش الأسانسير لوحدها مع رجل ولو طلعت ودخل رجل تطلع منه– متلبسش قصير وتحت الفستان شورت– متروحش مع حد متعرفوش أي مكان ، متروحش لحد غريب لو أخت وأخ نفصل بينهم في النوم– عدم لمس مكان العورة إلا للاستنجاء ويكون بمنديل مثلا– تعليم آداب الاستئذان في البيت وميدخلش غير لما يؤذن له – لو في حضانة ، مدرسة أي مكان وماما مش موجودة محدش يلمسك ولا تقلعي هدومك أبدا
**لو حد لمسه/ا يبقى في شوية حاجات نتدرب عليهاازاي نزقه
ازاي نصوت بأعلى صوت
ازاي نجري ونطلع من المكان بسرعة
سيبكم من اللمسة الحلوة واللي مش حلوة والنظرة الحلوة والنظرة الوحشة الكلام ده الأطفال مش بتفهمه ومش بيعرفوا يفرقوه
– تعليمهم الحياء وغض البصر – ندربهم على البوتي قبل نزول الحضانة – ممنوع حضانة لطفل مبيعرفش يعبر ولو بكلمات بسيطة – بنعلمهم طريقة الجلوس الصح خصوصا للبنات – بنعلمهم السنة في النوم على الجانب الأيمن بدل البطنشوية ملاحظات
نراقب كويس أولادنا لو ظهرت عليه علامات خوف غير مبرر ، نزيف ، تبول لا إرادي منتجاهلش الأمر أبدا نعلم أولادنا يعبروا عن المواقف الحياتية ونصاحبهم عشان نقدر نعرف لو لا قدر الله حصل أي حاجة
لازم نعرف إن كل ده لا يُغني شئ لأنهم مازالوا أطفال بينسوا ومبيعرفوش يتصرفوا فلازم نتوكل على الله وندعي دائما ربنا يحفظهمده بإختصار وإن شاء الله لينا لقاء تاني بأنشطة تطبيقية مع أولادنا .. لو في أي حاجة مش واضحة اكتبولي في الكومنتات
وربنا يحفظ أولادنا وبناتنا من كل شر
مقالات قد تهمك ☺
طفل السنة اعلمه ايه ( التربية العفيفة )
يناير 13, 2025
طفل السنة اعلمه ايه ( المهارات الحركية )
يناير 13, 2025
طفل السنة اعلمه ايه ( التربية العقلية )
يناير 13, 2025